Алматы көпсалалы клиникалық ауруханасында FINECARE™ Plus заманауи анализаторы орнатылды

Алматы көпсалалы клиникалық ауруханасында аса маңызды зертханалық көрсеткіштердің диагностикасын едәуір жеделдетуге мүмкіндік беретін FINECARE™ Plus озық анализаторы іске қосылды.

Бұл құрылғыны енгізу – жоғары технологиялық және жедел зерттеу әдістерін дамытуға бағытталған аурухананың стратегиялық жоспарымен толық сәйкес келеді.

АККА пациенттеріне қолжетімді негізгі мүмкіндіктер:

•Тропонин — инфаркт пен жедел коронарлық синдромдарды жедел диагностикалау.

•D-димер — тромбоз және тромбоэмболияны жоққа шығару.

•Прокальцитонин (PCT) — сепсис және ауыр бактериялық инфекцияларды ерте анықтау.

•BNP/NT-proBNP — жүрек жеткіліксіздігін бағалау.

Анализатор 20 минут ішінде бір мезетте 20 пациентке дейін нәтиже шығара алады. Бұл реанимация бөлімшелері, ҚРО П/П және шұғыл қызмет үшін аса маңызды артықшылық болып табылады.

Finecare™ Plus енгізудің артықшылықтары:

•диагноз қою уақытын қысқартады;

•тест нәтижелерінің дәлдігін арттырады;

•медициналық қызметкерлердің жүктемесін азайтады;

•төтенше жағдайларда жедел клиникалық шешім қабылдауды қамтамасыз етеді.